HEYi,
Muchayeri wa Thekisi!
Kambela
Mathayere ya wena!
KUMISISA HI TA NHLAYISEKO WA MATHAYERE LAHA NDZENI
Yi ndlandlamuxiwile no humelerisiwa hi Xikhwama xa Nhlayiso (Trust) xa Nseketelo wa Dyondzo ya Vukorhokeri bya Ndzawulo ya swa Vutleketli ? 2002
(a) Manana Majola a endzela xitichi xa mathekisi
(b) Vanghana, Mathekisi ya nyika vukorhokeri byo hlawuleka swinene ekahina MaAfrika-Dzonga hinkwerhu. Hi tshembhela eka n?wina ku hi fikisa laha hi lavaka ku ya kona hi hlayisekile! Xana mathekisi ya n?wina ya hlayiseke ku fika kwihi?
Languta mathayere ya wena! Mathayere ya wena i ya nkoka swinene. Tsundzuka leswaku hi wona ntsena ya hlanganisaka patu na thekisi ya wena ? kun?we ni vakhandziyi. Mathayere ya wena ya nga tisa ku cinca exikarhi ka vutomi na rifu.
Wa vurisa. Inkomu ku hi tsundzuxa.
Nkarhi wun?wana lowu hundzeke a hi honisa vuhlayiseki. Kambe hi tiyimiserile ku tlakusa xiyimo xa ntirho wa hina! Vuhlayiseki bya vakhandziyi byi le henhla ka nongonoko wa hina.
Endzhaku ko vulavula na wena, hi tiva laha hi faneleke ku sungula kona, ku hlayisa mathayere!
Ina, tanihi vakhandziyi, vutomi bya hina byi le mavokweni ya n?wina!
Ha kombela, tsundzukani leswaku ? mindyangu ya hina ya hi lava.
Mindyangu ya n?wina ya mi lava, ha mi lava na tiko ra n?wina ra mi lava. Hi nge swi koti ku lahlekeriwa hi vutomi hambi byi ri byin?we hikwalaho ka vusopfa na ku honisa. Vakhandziyi va fanele ku rhwariwa hi nhlayiseko!
Mathayere layanene + vachayeri lavanene =nhlayiseko emagondzweni.
Ha khensa loko mi tekela mhaka leyi enhlokweni.
(a) Xana hi wena loyi?
(b) Nghena, nghena!
Hi na ndlela yo leha ku yi famba.
U ri yini! U nge ringani?
Hatlisa, manana, u nga swi kota!
Mi lunghekile hinkwenu?
Ndza tshembha u kambisisile mathayere ya wena?
Mathayere? Ya kona hinkwawo- n?we, mbirhi, nharhu, mune. Ina! Mathayere ya kahle.
Xana u hava thayere ra xipere?
U tiyisile ndzi na rona.
Vulavula hi ku tlanga hi rifu.
Muchayeri loyi a tikomba onge a nga tivi nchumu hi ta nhlayiseko wa mathayere.
Wa vurisa! Un?wana ni un?wana loyi a nga hlayiseki mathayere ya yena u tlanga hi vutomi bya vanhu.
U vula njhani
Ndzi vula leswaku mathayere laya hlakaleke ya vanga tinghozi.
Minkarhi yo tala mathayere laya nga hoxiwangiki kahle, kumbe loko ya ri ya xiyimo xa le hansi.
Mathayere ya khale, yo phechiwa, yo vevuka yo ka ma nga ringanisiwanga kahle ya vanga tinghozi!
Na mathayere yo hela.
Mathayere yo hela ya herisa vutomi bya hina!
Ntsena loko vachayeri hinkwavo vo dyondza swilaveko swa masungulo yo hoxa mathayere na ku ya hlayisa.
Ina, swi nga sivela ku khunguvanyeka ka vakhandziyi na vona vinyi mahlomulo na ku lahlekeriwa hi timali swi tlhela swi sivela mafu.
Wa vurisa, vhiki leri nga hundza ndzi vile na thayere leri nga buluka. Nkateko wa kona a ku vavisekangi munhu, kambe thayere rintshwa ri ndzi koxile mali yo tala swinene.
Hakunene
U vile ni nkateko. Vhiki rin?wana ni rin?wana vanhu va fa hikuva vachayeri na vinyi va mathekisi a va nga cinci no hlayisa hi mathayere ya vona hi mfanelo.
Xana wa swi lava ku endla leswaku u nga vi muvangi wa tinghozi ? hambi kuri makhombo?
Xana wa swi lava ku hlayisa mali? Loko swi ri tano kambela mathayere ya wena! Dyondza hi laha u nga hlayisaka mathayere ya wena.
Hi fanele ku tiva mathayere ya hina. Hi ya kambela nkarhi na nkarhi, lunghisa lomu ku onhakeke hi xihatlisa ya tshama ya ri eka xiyimo xa le henhla ? Mathayere yo phechiwa, yo hlakala yo ka ya nga ringanisiwanga ya vanga tinghozi.
Mathayere ya wena ya fana na minkondzo ya tintanghu ta wena. Kuva minkondzo ya tintanghu ta wena yi rhetemuka, yi hlakarile, u nga rheta u thlela u tivavisa.
Matheyere a ya vulavuli. A ya nge ku byeli loko ya hlakarile, ya nga ha tiyangi, kumbe loko ya ri kusuhi no buluka.
Kutani swi le ka hina, vini na vachayeri, ku kambisisa swihoxo no swi lulamisa ma nga si hi endlela swiphiqo.
Mathayere yo hela ya koxa vutomi na mali.
A hi vulavuleni hi mathayere.
Hoxela mathayere laya ringaneleke swa mabindzu
MATHAYERE LAYA RINGANELEKE SWA MABINDZU YA ENDLERIWE KU RHWALA SWILO SWO TIKA.
Mathayere ya swa mabindzu ya hambanile na mathayere ya ntolovelo ya swifambi swa vakhandziyi. Mathayere ya swifambi swo rhwala vakhandziyi a ya tiyangi ngopfu ku va ya nga tirhisiwa hi mathekisi laya rhwalaka vakhandziyi.
MATHAYERE LAYA RINGANELEKE SWA MABINDZU YA VA YA TSARIWILE LETERE RA C ENDZHAKU KA SAYIZI, XIK. 205 R14C.
Thayere leri ringaneleke swa mabindzu ri na letere C endzhaku ka nomboro
HOXELA THAYERE RA SAYIZI LEYI RINGANELEKE EKA RHIMI YA WENA
Loko thayere ri ri rintsongo kumbe ri ri rikulu ngopfu, ri nga huma erhimini. Ri fanele ku va ra sayizi ya kahle.
Vutisa muxavisi wa mathayere sayizi leyi nga yona ya movha wa wena kumbe u hlaya buku ya swiletelo.
Loko thayere ri ri rintsongo ngopfu ri nga huma erhimini.
Vekela vheluvhu/xipfalo xa moya xintshwa nkarhi hinkwawo loko u cinca thayere.
Cinca vheluvhu/xipfalo xa moya xintshwa loko u cinca thayere.
VHELUVHU/XIPFALO XA MOYA I XIPHEMU XA NKOKA XA THAYERE RA WENA.
U nga ringi u hoxela thayere rintshwa u ri karhi u tirhisa vheluvhu ya khale swi nga vanga nghozi leyikulu swinene. Nkarhi hinkwawo loko u hoxela thayere rintshwa, hoxela na vheluvhu yintshwa.
Vona leswaku rhimi yi le ka xiyimo xa kahle.
U LAVA RHIMI YA XIYIMO XA KAHLE KU VA U TA VA NA NTALO WA MOYA LOWU NGA FANELA EKA THAYERE.
Loko rhimi ya wena yi vavisekile, yi nga endla leswaku thayere ri phya hi ku hatlisa kumbe ri huma eka rhimi.
Kambisisa tirhimi nkarhi hinkwawo. Loko ku ri na le ti nga vaviseka, ti cinci kumbe u ti lunghisis eka munhu la nga swi dyondzela.
Rhimi leyi onhakeke yi nga vavisa thayere ra wena naswona yi nga vanga nghozi yo chavisa swinene.
Kambisisa ntalo wa moya.
NTALO WA MOYA WO KA WU NGA RI WONA WU HLAKATA THAYERE RA WENA HI NKARHI WUNTSONGO.
Ku kambisisa ntalo wa moya nkarhi hinkwawo loko u chela mafurha no tlhela u pompa mavhilwa hi mpimo wo ringanela swi endla leswaku thayere ra wena ri khomelela nkarhi wo leha-leswi nga ta ku hlayisela mali.
Eka vhiki ro sungula u ri karhi u tirhisa thayere, thayere ra wena ri thambha hi ku hatlisa hikwalaho ka mahoxelo yo ka ya nga ri ma kahle kumbe ku pfuta ka vheluvhu. Vhiki hinkwaro endzhaku ka ku hoxela mathayere, kambela ntalo wa moya masiku hinkwawo. Endzhaku ka sweswo, kambisisa ntalo wa moya wa mathayere ya wena nkarhi hinkwawo.
Muchayeri un?wana ni un?wana u fanele ku va na geji ya yena ya ntalo wa moya. Tigeji ta le tigaraji ti nga ha va na swihoxo
Ntalo wa moya wo hoxeka hi wona wu vangaka tinghozi to tala ta mathekisis. Tshama u karhi u kambela ntalo wa moya.
Boha tinati ta vhilwa ti tiya.
VONA LESWAKU MABAWUTI YA MAVHILWA YA WENA YA BOHIWILE YA TIYA. U FANELE KU VA NA BAWUTI RIN?WANA NA RIN?WANA EKA NDHAWU YA RONA.
Tinghozi totala to chavisa ti humelela hikwalaho ko va muchayeri a ehleketa leswaku u ta chayela ku ri karhi ku kayivela nati yin?wana evhilweni.
U nga tshuki u chayela loko tinati ti nga tiyangi kumbe nati yin?we yi kayivela.
Hlayiselo lerinene ra thayere.
Xana mahlayiselo hinkwawo ya mathayere a ya nge durhi?
U nga hoxela mathayere yo chipa u thlela u nga ya hlayisi ? kambe ma ta koxa vutomi bya wena.
Sweswo swi durha ku tlula mathayere ya xiyimo xa le henhla lawa tlhelaka ma hlayisiwaka swinene.
U nga khandziyisi ku tlula mpimo!
u nga ehleketi leswaku mathayere yo chipa hi wona yo antswa! ? ku fana na lawa ya tirheke, ya lunghisiweke kumbe ku phechiwa ? swi nga koxa vutomi bya wena na vakhandziyi va wena. U nga tshuki u hoxela mathayere laya endliweke hi vuntshwa kumbe laya nga phechiwa.
Mathayere yo chipa ya tlhela ya ku durhela na loko nkarhi wu famba ya lava ku hlayisiwa naswona a ya khomeleli nkarhi wo leha tanihi lamantshwa. Mathayere ya nkoka wa le henhla ya nga ha ku durhela, kambe eku heteleleni ya va ya chipile hikuva swa olova ku ya hlayisa naswona ya khomelela nkarhi wo leha
Ku khandziyisa ku tlula mpimo swi vanga ku namuka ka mathayere ya wena naswona ya nga buluka, ya vanga tinghozi na mafu
U nga ehleketi hi ku chipa ka mathayere, ehleketa hi mahlayiselo layanene ya mathayere na vakhandziyi
Hleketa hi hlayisel lerinene ra mathayere
Nawu ehenhla ka mathayere
Khombo ra mathayere lama nga hela.
A swi le nawini ku chayela xifambo lexi nga na mathayere laya nga hela ya tlhlela yrheta. Nkondzo wa thayere ra wena wu fanele ku va 1.6mm hinkwako. 1.6 mm yi ringana na ku bumbula ka ritlhongwe ra mecisi.
Loko thayere ra wena ri ri na nkondzo lowu nga ehansi ka 1.6mm
Khamphani ya ndzindzakhombo yi nge hakeli loko wo tshuka u va na nghozi
Vakhandziyi va wena va nga ku yisa ehubyeni ya nawu
U nga rihisiwa.
Ku khandziyisa ku tlula mpimo swi ni khombo!
Thekisi yin?wana ni yin?wana yi pfumeleriwa ku rhwala nhlayo yo karhi ya vakhandziyi. Loko u khandziyisa ku tlula mpimo, u nga onha mapatu na xifambo. U va u tlula nawu no nghenisa vutomi bya vanhu ekhombyeni! U ta rihisiwa.
Ndzi ku rihisa ku khandziyisa ku tlula mpimo. Ndzi kombela ku vona layisense ya wena? Xana a wu ri ekunweni? U nga chika leswaku ndzi ta kambela thekisi ya wena ku vona loko yi lulamele ku va epatwini.
KU HLAYISA
Nongonoko wo kambela
Ndzingano wa mavhilwa
Mathayere
Ku hlakala na ku handzuka
Tinati
Rhimi
Ntalo wa moya
Xilo xin?wana na xin?wana xi lava ku hlayisiwa leswaku xi ta khomelela nkarhi wo leha.
A swi pfuni nchumu ku va na movha wuntshwa na mathayere ya khahle loko u nga ya hlayisi. Tlhandlakambirhi u lava ku fambisa vakhandziyi va wena va hlayisekile.
Ku hlayisa swi sivela ku tirhisa mali hi vusopfa. Ku ka u nga hlayisi hi swin?wana swa swilo leswi vangaka tinghozi emagondzweni. U nga pfumeli leswaku nghozi leyi landzelaka yi vanga hiwena wena!
Ku hlayisa swi vula ku kambisisa no lunghisa swihoxo nkarhi hinkwawo
Xana wena kumbe muchayeri wa wena ma tinyika nkarhi wo endla swilo leswi xana?
RINGANISA MATHAYERE YA WENA
Ndzinganiso wo ka wu nga ri kahle wu kokela thekisi tlhelo rin?we.
Xana u tshama u vona thekisi yi famba yi voyamela tlhelo rin?we tanihi nkonkotso? Wolowo i ndzinganiso wo ka wu nga lulamanga wa mathayere. A wu nge swi koti ku lawula xifambo xa wena hi ku hetiseka. Leswi swi nga vanga nghozi.
Swi tlhela swi ku dyela mali hikuva ndzinganiso wo ka wu nga ri kahle wa mavhilwa wu hlakata rhaba ya mathayere.
Kambela ndzinganiso
Mathayere yo ka ya nga ringanisiwangi kahle ya vangela mathayere ku hlakala tlhelo rin?we no vavisa tiberin?i. Ku humesa thekisi ya wena egondzweni u ya lunghisa tiberin?I swi durha ngopfu.
Yisa mathayere ya wena ya ya ringanisiwa loko nkarhi wu fikile
Nkondzo wa kahle
Nkondzo wo hlakala
Cinca-cinca mathayere ya wena
Cinca mathayere ya le mahlweni na ya le ndzhaku ya tlhelo rin?we endzhaku ka 10 000 km. Leswi swi pfuneta leswaku mathayere ya wena ya tshama nkarhi wo leha.
Swipiringi swo tswonga ntiko swi vanga ku hlakala ka mathayere xihatllisa laha ya phechiweke kona. Emakumu, leswi swi ku dyela mali.
Swipoko swo tswonga ntiko leswi hlakaleke swi tlhela swi tshikilela xidirayivhele na muchayeri u hluleka ku lawula thekisi, leswi vangaka tinghozi
U nga tshuki u pompela moya wo tala ku tlula mpimo kumbe lowutsongo ku tlula mpimo.
Ku pompela moya wotala ku tlula mpimo swi hlakata tingoti ta le xikarhi ka thayere. Ivi, thayere ra wena ri buluka ku kota baluni.
Ku pompela moya wutsongo ku tlula mpimo swi vanga leswaku thayere ri hisa ku tlula mpimo. Thayere ro hisa ku tlula mpimo ri buluka hi ku olova.
Kutani ku pompela moya wo tala kumbe wutsongo ku tlula mpimo swi vanga ku buluka ka mathayere.
Kambela ntalo wa moya nkarhi hinkwawo na masiku hinkwawo loko u famba rendzo lero leha.
Ndzi swi kumile!
Ku hlayisa mathayere ya mina ndzi fanele:
kambela minkondzo na ku pandzeka na ku hlakala hi nkarhi hinkwawo.
tirhisa sayizi leyi ku ng yona eka mathayere eka tirhimi.
Kambela ndzingano wa mavhilwa.
kambisisa loko mavhilwa ya ringana cinca-cinca mathayere endzhaku ka 100 00 km tin?wana ni tin?wana.
cinca swipiringi swo tswonga ntiko leswi hlakaleke tiyisisa leswaku thayere rin?wana na rin?wana ri na moya lowu ringaneke
Mintolovelo yo biha yi ku dyela mali
Swi tikomba onge munghana wa hina u na swiphiqo swa mathayere! A fanele a hi yingisile!
Hi lavaya vakhandziyi va mina va famba!
Hikwalaho ka yini ndzi ngacincanga thayere ra mina ka ha ri na nkarhi nkarhi?
Kambela mathayere ya wena hi vukheta. Swi endle nkarhi hinkwawo! Nhlayiseko lowunene wa mathayere wu hlayisa mali hi ku famba ka nkarhi.
Loko a ndzi lo yo kambela mathayere nkarhi hinkwawo a ndzi ta va ndzi papalate leswi? a ndzi ta va ndzi nga lahlekeriwangi hi vakahandziya.
Lulamisa swiphiqo swi nga si ku dyela nkarhi na vutomi.
Mintolovelo ya kahle yi sivela tinghozi
Loko thayere ra wena ri buluka, u nga bohi tibiriki hi xihatla. Hunguta rivilo switsongo-tsongo, u tirhisa tigere. Kutani u yima eka ndhawu leyi nga hlayiseka, etlhelo ka patu, u cinca thayere. Tshama na xiphere lexi taleke nkarhi hinkwawo.
Tikhomi kahle u thlela u khoma xifambo xa wena kahle nkarhi hinkwawo. Vona leswaku mathayere ya wena ya kamberiwa endzhaku ka 10 000 km yin?wana na yin?wana hi mutivi wa mathayere
Milawu ya 6 ya nhlayiseko emagondzweni.
Vona leswaku xifambo na muchayeri va le ka xiyimo lexi amukelekaka
U nga tsutsumi.
Ndlandlamuxa vuhlayiseki bya vafambi-hi-milenge.
U nga rhwali ku tlula mpimo.
U nga nwi u tlhela u chayela.
Boha bandi ra vuhlayiseki.
Loko u nga si suka, kambisisa nongonoko wa swilaveko swa xifambo xa wena.
Kmbela swikoweto na timboni loko swi tirha
Kambela tibiriki ta nenge na ta voko loko ti tirha
Xidirayivhele xi tirha kahle ke?
A ku na ku pfuta ka oyili kumbe mati ke?
Tiva mathayere ya wena
Vinyi na vachayeri! Tirhisani nongonoko wa swilaveko ku tiyisisa leswaku mathayere ya n?wina ya hi ndlela leyi ya nga fanela ku va ha yona.
Xana mathayere ya wena hi lawa ya swa mabindzu?
Xana thayere ra wena hi rona ra sayizi ya rhimi ya wena?
Xana rhimi a yi vavisekangi?
Xana a ku na swikombiso swo hlakala na ku handzuka tanihi ku pandzeka kumbe ku humela ehandle ka tidarata?
Xana thayere rin?wana na rin?wana ri pomperiwe moya lowu ringaneleke?
Xana tinati ta mavhilwa ti le ndhawini ya tona ti thlela ti bohiwa ti tiya?
Xana u kambisisile ndzinganiso na ku ringanela ka mavhilwa
Xana u cincila-cincile mathayere ya wena eka 10 000 km leti nga hundzeke?
Xana swipiringi swo tswonga ntiko swa ha tirha kahle?
Xana minkondzo eka mathayere ya wena i 1.6mm
Xana wa swi lava ku tiyisisa leswaku wena na vakhandziyi va wena mi hlayisekile, bindzu ra wena ra humelela na leswaku a wu tluli nawu?
Loko swi ri tano hlayisa mathayere ya wena!
Tinghozi ta siveriwa!
